موائد الرحمن فى رمضان


لو جربته ح ترجع تانى 

 

الملف الكامل لأحداث 30 يونيو

البث المباشر 24 ساعة

 

أهم أخبار مصر

 

أهم أخبار الفن

 

أخبار العرب والعالم

 

أهم أخبار الرياضة

 

الدليل الكامل لكليات التنسيق وقواعد وشروط الالتحاق بها

 

شاهد برامج ومسلسلات رمضان 2013 أون لاين

 

نفسك فى فوتو سيشن؟ دلوقتى تقدرى!

أفضل 100 حكمة عالمية وعصرية

 

أقوى الأمثال المصرية

الشباب الروش بيروح لها  بيبقوا فرحانين و بيعتبروها رحلة ( روشنة ) !!

( مائدة رحمن ) هاى كلاس طول  شهر رمضان الكريم ..

ما تضيعش الفرصة أكل فاخر و ببلاش كمان !

أول ما تسمع كلمة ( مائدة رحمن ) ذهنك يروح على طول بأنها مكان لإفطار الفقراء و المساكين و غير القادرين بهدف فعل الخير فى شهر رمضان المبارك و لكن الحقيقة مختلفة تماماً ،

عندنا موائد الرحمن أنواع  منها العادية و منها الهاى كلاس و هى دى بقى المهمة لأنها مش موائد رحمن بالشكل اللى إحنا متصورينه دى حاجة تانية خالص ، ممكن كمان لما نسمع عنها ما نصدقهاش ..

 لدرجة إن طلاب الجامعة و كثيراً من الشباب ينظمون رحلات مخصوصة فى شهر رمضان لـ  موائد الرحمن الهاى كلاس ، و بيعتبروها فسحة مش ها تتكرر كتير فى حياتهم و ما بيحسوش بأى خجل إطلاقاً من الإفطار فيها لأنهم بيعتبروها نوع من الترويش ، و الترويش المريح كمان ، يعنى لما يفطروا وجبة فاخرة من أحد محلات التيك اواى أو من احد الفنادق الشهيرة ، و لما يكون قدامهم أجود انواع المأكولات و المشهيات المتنوعة لدرجة إنهم ممكن يلاقوا مأكولات لبنانية و سورية علشان ترضى جميع الأذواق و ده اللى بيخلى ناس كتير تتنازل عن أى شئ و ما تحطش فى دماغها أى حاجة غير الإفطار الشهى و الحلويات الشرقية و الغربية الملفوفة بشكل جداً و مغرى ..

 مش بس كده ده فيه كمان شنطة مقفولة هتاخدها و إنت ماشى و إنت و حظك ممكن تلاقى فيها ياميش رمضان و مكسرات و ممكن تلاقى فيها لحوم يعنى كسبان كسبان فطار و هدايا كمان .. طبعاً أكيد بيدور فى خيالكم أسئلة كثيرة أوى

 مين الناس دول أصحاب موائد الرحمن الهاى كلاس ؟!
و منين بيغطوا التكاليف دى كلها ؟ ..

 و يا ترى إيه اللى يخليهم يعملوا موائد رحمن بـ البذخ ده و مش للفقراء بس ؟ أسئلة كتير أوى ممكن تسألوها بس الإجابات أقل كتير من الأسئلة ببساطة موائد الرحمن دى سياسة عالية أوى و حدوتة كبيرة و اصحابها غالباً ليهم مصالح معينة .. و السنة دى هى سنة موائد الرحمن الهاى كلاس و ده أمر طبيعى بما أننا داخلين على إنتخابات مجلس الشعب ..

 

فـ رمضان هتلاقيه مختلف كتير لأنه فرصة عظيمة لكل المرشحين علشان يفرشوا جناحات السلام و فجأة ها تنزل عليهم السكينة و الإحساس بالفقراء و حب الخير .. و هتتساقط منهم المشاعر النبيلة و هيتفرغوا تماماً لـ فعل الخير (يا سلام على التقوى ! )

 

و طبعاً كل واحد هيدى صوته للـ مرشح الى يصرف أكتر و يأكلهم أكتر و أكتر و ده طبعاً لأننا شعب جعان ..

و هما فاهمين كده و بيلعبوا على الحصان الكسبان ،

*  أما بخصوص موائد الفنانين و المطربين فأكيد برضه هتكون منتعشة فى شهر رمضان ... و ده طبعاً لأنه للأسف الشديد جميع شرائط الكاسيت فشلت فشل ذريع و محدش سمعها ، فيعملوا إيه غير موائد رحمن على مستوى علشان يجذبوا الشباب ليها لانهم الفئة المستهدفة ، و فى نهاية الإفطار يوزع المطربون عليهم شرائط كاسيت بالمجان ما هى كده كده راجعة لهم بدون بيع .. يبقى الناس تسمعها أحسن ما هى خربانة خربانة .. أما بقى الفنانين ففشلهم مش أقل من من فشل المطربين و لله الحمد ، و ما فيش فيلم واحد عليه القيمة .. ففرصة إنهم يستعطفوا الناس علشان يتضامنوا معهم فى خيبتهم .. و يحاولوا يرجعوا حبهم ليهم اللى ضاع فى أفلامهم الهابطة .

فيا سلام على رمضان و موائد رمضان و بذخ رمضان .. فسح الموائد السنة دى ها تكون مسلية و لذيذة .. و كلها حسبة و مدروسة و العائد على اصحابها أكتر و أكتر .. لأنهم خططوا لها صح .. و الدعاية الناجحة تتيح الوسيلة المستخدمة و كل سنة و أنتم طيبين و على موائد الهاى كلاس متجمعين .. و جربوها هتلاقوها فسحة مربحة و روشة و ببلاش تماماً .

تحرير : أميرة فودة

نقلا عن جريدة  الدستور - 12 أكتوبر 2005 م - 9 رمضان 1426 هـ - الموافق  الأربعاء

بالإتفاق مع الجريدة

 

إقرأ أيضاً

*  المعادلة بين الصيام و الصحة فى شهر رمضان ...... اضغط هنا

*  أخطاء شائعة فى الانظمة الغذائية ( الريجيم ) ...... اضغط هنا

*  رمضان شهر المغفرة و الرحمة ...... اضغط هنا

*  درجات الصوم فى شهر رمضان  .... اضغط هنا

*  فوضى دراما رمضان .... اضغط هنا

*  التنافس بين الأعمال الدرامية فى شهر رمضان  .... اضغط هنا

 

لو جربته ح ترجع تانى 

إحسب عمرك

 

خريطة مصر

 

سجل بيانات سيارتك للحصول على الكارت الذكي لصرف البنزين والسولار

 

دين وحياة

 

للمرأة فقط

 

مال وأعمال

 

أفزر 100 فزورة

Copyright © 2003 - IMG. All rights reserved,   WEBMASTER